mercoledì, gennaio 17, 2007

Y Galon Alarus

Gwna i’m smalio fod gen i ryw lawer i ddweud wrthoch chi, oni bai fod y gwaith yn eitha’ da a dw i wedi synnu cymaint faint fy mod i wedi colli trefn diwrnod gwaith. Smaliwn i ddim ychwaith nad oes gronyn o hiraeth gennyf am addysgu. Mae ‘na gornel fechan o ‘nghalon wedi edifar ac yn galaru, ac mae’n boenus. Ond amhara hwnnw ddim ar fy mhenderfyniad bellach, na wnaiff? Casáu'r holl gynllunio a dod adref a gorfod gweithio oeddwn i, wedi’r cwbl.

Nid hynny mohoni, chwaith. Cwrs oedd hwnnw. Hwn ydi’r byd go iawn; ac er holl bwysau addysg (yn enwedig cwrs TAR) mae ‘na rhywbeth cyfyng dyma-dechrau-fywyd math o beth am hwn. Dydi hynny ddim yn deimlad braf yn y lleiaf.

A dyweda’ i wrthoch chi be wnaeth imi sylweddoli hynny; dw i’n gallu sbotio myfyrwyr. Fydda i’n dueddol o gael fy nghinio yn Cathays, ac mae myfyrwyr, er mawr loes a phrudd-der imi, yn edrych yn ieuengach na mi (er eu bod nhw’n dalach), ac yn fudur. A dydw i ddim yn jocian. Wn i paham y mae pobl yn casáu myfyrwyr: cenfigen wenwynig sy’n llosgi yn eu boliau i gael bod fatha nhw. Dyna sut dw i’n teimlo, yn bendant.

Yn dydi hi’n drist ofnadwy mai dim ond chwe mis yn ôl ddaru mi beidio â bod yn fyfyriwr (go iawn), a dw i’n dyheu’n ofnadwy am y tair blynedd a fu ddyfod eto a’m sgubo ffwrdd?

8 commenti:

Anonimo ha detto...

Dyheu mewn bythol obaith yr ydwyf innau y daws swnami a'th sgubo i ffwrdd!

Ray Diota ha detto...

ma fe'n beth diflas y jawl, hogyn... cunts.

Ray Diota ha detto...

cunts!

Ray Diota ha detto...

damo nhw!

Ray Diota ha detto...

damo nhw'n lân

Ray Diota ha detto...

reit. pub.

Anonimo ha detto...

dwi wedi cael bon bons i ti

Anonimo ha detto...

Aaaaaaa! Dwi di cal yr union yr un teimlad ers i mi adael y brifysgol. Y sylweddoliad mod i'n heneiddio. Fyddai byth yn ifanc eto. Fel hyn fydd hi am weddill f'oes?