Pedwar ... !

Edrychid fel bod y Rhithfro wedi mynd yn obsesd gyda'r rhif pedwar (dw i ddim, well gennai tri), ond dw i'm yn un i beidio a neindio am ben y bandwagon...

Pedwar swydd dw i wedi’u cael
1. Gweithio'n cegin Brewer's Fayre, Parc Menai
2. Rho pamffledi allan yn 'Steddfod Casnewydd
3. Gweithio'n bar Canolfan Y Mileniwm
4. Ym. Dyna ni. Ffycin hel, dw i'm 'di gweithio ffwc!

Pedwar ffilm gallaf eu gwylio drosodd a throsodd
1. Trioleg Lord of the Rings
2. Smokey and the Bandit
3. Braindead
4. Mela (onast!)

Pedwar lle dw i wedi byw ynddyn nhw
1. The Cottage Tyddyn Canol, Rachub
2. Llys Senghennydd
3. 68 Wyeverne Road, Cathays
4. 28 Russell Street, Y Rhath

Pedwar rhaglen teledu dwi’n eu caru
1. Blackadder
2. The Fast Show
3. Wirioneddol unrhywbeth am fyd natur
4. The Simpsons

Pedwar lle dw i wedi bod ar wyliau
1. Cyprus
2. Tiwnisia
3. Yr Eidal
4. Yr Alban

Pedwar o’m hoff brydau bwyd
1. Pizza Pepperoni Mabinogion Bethesda
2. Spaghetti Marinara
3. Y Ffwl Inglish
4. Stwnsh Rwdan

Pedwar gwefan dw i’n ymweld â nhw bob dydd
1. Maes-e
2. Ogame.com
3. BBC Cymru'r Byd
4. Blogiadur

Pedwar lle hoffwn i fod yn y munud hwn
1. Yn cael potel o win coch mewn gwinllan Eidalaidd
2. Yn Rachub yn y glaw yn cael panad yn ty
3. Prag!
4. The Shire (hihi!)

Pedwar blogiwr dw i’n eu tagio (dw i'n cymryd mai tagio ydi dilyn yn selog?)
1. Chwadan
2. Synfyfyrwraig
3. Geiriau Gwyllt
4. Wierdo

Cneifio

Dw wedi cael fy ngwallt wedi ei dorri. Am y tro cyntaf ers dros chwe mis, dw i'n siwr, a dw i'm yn siwr beth i wneud ohono. Dw i wastad wedi licio cael fy ngwallt 'mbach yn hir (hir iawn a dweud y gwir), felly'n anaml y bydda i'n ei dorri. Golyga hyn ei fod yn denau ac yn seimllyd am y rhan helaethaf o'r flwyddyn, a rwan dw i'n sylweddoli ei bod yn cael ei golli'n fwyfwy.

Gas gennai dorri gwallt; mae'n well gennai fynd i'r deintydd neu'r doctor, a dw i'm yn licio'r un ohonyn nhw rhy lawer chwaith, rhwng daeargrynnu 'nannedd a chael bys yn din (stori hir). Er, y niwed gwaethaf a chefais oedd gan rhywun pan oeddwn i'n cael torri gwallt ym Mangor yn hogyn bach ifanc, a dyma'r ast yn llwyddo torri fy nghlust. Fflesh wound, wrth gwrs, nid unglust mohonof, ond fe roddodd hwnnw fi off y bastads am byth wedyn.

Mae o hefyd yn gwneud imi edrych yn dew. Fel bochdew, a 'chydig bach fel afocado, 'fyd (efo coldsore arall fyth. Bastad dolur annwyd, maesho'i saethu). Ond rwan mae'n rhaid imi sortia allan fy nghyfrifiadur. Bu imi brynu Battle For Middle Earth II ddoe, a wedi bod yn edrych ymlaen yn arw at ei chwarae am beth amser, ond dydi hi ddim yn gweithio ar fy nghyfrifiadur i nac un Owain Oral. Dw i'n gytud, fel pe bai rhywun 'di marw neu bod diwedd yr iaith ar fin neu fy mod wedi cael torri fy ngwallt. O ia, anghofio am hynny. Bastad torri gwallt. Casau torri gwallt.

Steddfod a ballu

Wel dyna ni Aberystwyth wedi ennill y 'Steddfod Rhyng-gol unwaith yn rhagor, ond maen nhw'n dda am baratoi ac ati, tydan ni ddim. Y peth tristaf am y peth o safbwynt Caerdydd oedd diffyg cefnogaeth y flwyddyn gynta, yn enwedig ar ddechrau'r 'Steddfod. Ond dyna ni, mae'r hen do y bedwaredd a'r drydedd yn marw allan, gwaetha'r modd. Jiw jiw. (nid marw felly, gyda llaw, dim ond ymadael a'r brifysgol)

Dw i'm yn cofio nos Wenar yn dda iawn oni bai bod rhywun yn chwarae yn Callaghan's a doedd gennai'm syniad pwy. Dw i'n methu Clwb Ifor, dw i'm wedi bod yno am cyn gymaint o amser dw i'n teimlo'n ddiarth iawn. Dw i'n 'sgwenni'r blog hwn o'r gwely ac yn marw isho toiled ond fedra i'm codi a bellach dw i'm yn siwr os oes gynnai goesa. Na, dw i'n goro mynd. Ta ra!

Tŵr Gwaith

Os mai ymadroddiad hyfrytaf y Saesneg yw 'cellar door' felly mai tŵr gwaith yw un y Gymraeg. Unrhyw un yn cytuno? Mi feddylish i am hynny echddoe a theimlo'n glyfar iawn gyda mi'n hun am fedru meddwl am y ffasiwn ddwysbethau.

Dw i'm wedi blogio ers sbel (fel wnaethoch chi'm sylwi. 'Sneb yn darllan y crap 'ma heblaw am Ceren, a phrobabli Owain Ne canys un gwirion ydyw). Am ddim rheswm penodol, ychwaith, dw i'n eitha hapus ac iach (er dw i'n fflemio fel pleb o hyd) a bodlon fy myd, er fod Plaid Cymru (www sori PLAID dio rwan de y ffycin twats gwirion ar y top) wedi newid ei logo i rhyw fath o jeli wladgarol.

A dw i dal yn casau popeth yn y byd, fel babanod, potiau planhigion a chreithiau meddyliol cynoesol. Dw i'm yn byta rhyw lawer yn ddiweddar, a all fod yn dda yn y diwadd a'm gadael i deneuo. A dweud y gwir i chi (ia, Chi!) fydda i ddim yn colli na rhoid pwysau ymlaen bellach. Duw a'm gwnaeth yn 13 stôn a Duw a'm cadwa felly, hynny a pizzas (ond gan mai Duw yw Arglwydd Popeth mi a'i feiaf am hynny hefyd. Fydd o'm yn meindio).

Wel mi dw i ar brofiad gwaith ydach chi'n gweld, yn Sain Ffagan a dw i actiwli yn mwynhau! Dw i'n mwynhau gweithio! Faswn i'm 'di dychmygu hynny wythnos diwethaf. Mae Sian a fi yno a dani'n gweld bob mathia o betha, fel y stordai sy ddim wedi eu hagor i'r cyhoedd ac yn cynnwys dros 90% o eiddo Sain Ffagan, a'r eglwys Gatholic sydd ddim wedi agor eto. A rydym ni'n cael bwyd gyda staff discownt a gwisgo bajys. Dw i byth wedi teimlo mor bwysig a hynny, heblaw pan ennillais i raffl yn Sioe Flynyddol y Gwynedd School of Dance pan oedd y chwaer yn downsio yno a finna'n bôrd yno'n ei wylio bob blwyddyn am tua pymtheg awr.

Wel dyna ichwi ddiweddariad ddiweddaraf fy mywyd. Dal yn crap, tydi?

Iwerddon

Waaaaaaahaha dw i'n caru Iwerddon! Newydd ddod yn ein holau o'r Ynys Werdd a wedi mwynhau o gymaint! Hynny yw heblaw am y ffaith y gwariais i dros 160 ewro a bod y tafarndai i gyd yn drewi o rech Guinness. Fel ddudodd un boi You Welsh are brilliant, you come here and spend yer money and do a good atmosphere, but you bloody stink! Doedd 'na bron dim Gwyddelod allan, dw i'm yn meddwl bod meddwi'n gachu'n rhan mor hanfodol o'u diwylliant nhw ac y mae i ni, a'r Cymry oedd y mwyafrif ymhob un lle yr es i. Da 'da ni, de? Diolch i Dduw bod y Cymry'n well yfwyr na mae Gavin Henson o chwaraewr rygbi...!

Roeddwn i'n shatyrd erbyn nos Wenar. Doeddwn i heb gysgu ers tua 38 awr ac wedi meddwi ac wedi marw. Fe lwyddem ddod o hyd i le oedd yn gwerthu peintiau am saith y bora o'r enw Slatterleys a Guinness a gafwyd gan bawb heblaw am Haydn a gafodd banad. Fe arhosem ni yna cyn symud ymlaen i'r Boar's Head a chefais f'argyhoeddi nad oeddem ni'n cael canu tan 2.30 achos dyna pryd oedd disgwyl i'r Frenhines farw. O diar. (Buo hi fyw, gyda llaw).

Wel roedd hynny'n fuan oll a doeddwn i methu a chowpio heb gwsg nos Wener, felly dyma fi'n mynd adra i'r hostel yn eitha fuan dw i'n siwr. Piti 'fyd achos roeddan ni'n cael bwyd hollol hyfryd mewn rhyw fwyty. Roeddwn i wrth fy modd gyda fy Mhasta Molly Mallone ond wedi meddwi gymaint nad ydw i bellach yn cofio sut flas oedd arno. Digwyddodd hyn oll wedi imi chwarae ar biano mewn rhyw pyb mor galed fel y bu i fy mawd waedu drosto i gyd, ac wedi rhyw Wyddel ein dwyn a chynnig 22,000 mil o gynnau imi er mwyn rhyddhau Cymru!

Arafodd llif y cwrw nos Sadwrn ond aethom ni i dafarn wych a gwylio band byw a chontio Saeson gyda'r lleolion. Mae 'na fandiau byw ymhobman dros Iwerddon a mae nhw'n wych ac yn canu popeth dan haul a lleuad. Y broblem oedd bod bobman yn cau'n fuan a dim ond rhyw chwech ohonom a aeth ymlaen a thrio Lagyr Cryfaf Y Byd sy'n 14% ac yn blasu fel chwys tin gafr. Llwyddem ni gael cic owt o dacsi hefyd diolch i Savage yn agor y drws pan oeddem ni'n ganol stryd a dechrau chwydu a'r gyrrywr yn gweiddi What ye doing? What the bloody hell ye doing?
Diwrnod hyfryd iawn oedd hwnnw, gyda'r Alban yn curo'r Saeson a thafarn o Wyddelod a Chymry'n cyd-gefnogi'r Albanwyr. Dw i'n caru bod yn Gelt!

Www ma'r blogiad ma'n hir! Dydd Sul a doeddwn i methu yfad iot a roedd gennai binau bach achos roeddem ni'n eistedd ynghanol y llawr caled heb seddau yn weddill. Ond wedi'r golled siomedig dyma'r band yn dod ymlaen a chodi calonnau'r Cymry. Dw i'm yn cofio enw'r dafarn ond roedd o'n llawn dop (crysau cochion i gyd oni bai am un Gwyddel barfiog blin) a chael peint yn hunllef, yn hunllef, cofiwch! Oooo diar roedd pethau'n mynd o ddrwg i waeth o ddrwg i waeth mewn difri calon er mwyn y nefoedd![/mode hen ddyn Haydn/Ellen]

Yn y diwadd aeth Ellen a fi adra yn eitha fuan ac o ystyried bod Owain Ne yn sadist drwg ac isho pawb godi am chwech er bod y fferi ddim yn dechra tan 8.30 roedd hi'n syniad eitha da a dweud y gwir yn onast. Gwelsom ni'r cwpl hyllaf yn y byd yn snogio ar y ffordd adra a jyst mynd yyyyyyyych! wrth basio, sydd braidd yn anghwrtais. Ond diawl oeddan nhw'n hyll. Ond dw i'm yn Picasso 'chwaith (jôc mewnol, na phoenwch).

Araf ydoedd y cwch nôl, a'r bys yn arafach byth rhwng Ellen yn bitshio pawb, Haydn a fi'n trafod cael partneriaeth sifil (jôc! Ma'r boi'n drewi) a'r gyrrwr bys yn mynd rownd Byrmingham er mwyn cyrraedd Caerdydd. Er mwyn y Nefoedd!

Ieeeei llunia!

O. Mai. God. Dydi'r hogan siriysli methu helpu ei hun.

Ellen y dyfodol: alcoholic trist.

'O Iesu, mae pethau'n mynd o ddrwg i waeth!' - nis fwynhaeid y panad gan Haydn

Y llun gorau erioed o Lowri Dwd; yn syml oherwydd y ffaith nad ydi hi ynddo fo. Nath Haydn taflud darn o rew arni wrth imi geisio tynnu llun ond rhoi timer y camera ar yn lle a dyma Lowri'n neindio fel llyffant o'r ffordd, a dyma'r llun a gaed. Hihi!

Band nos Sadwrn. Hen a gwych y tri ohonynt, ac yn ganwyr well na Ceren.

Noson allan yn Sir Benfro (h.y. K.O. mewn bar yn Nulyn)

Mae'r llun hwn yn symio fyny trip Dulyn imi gan mai dyma'r olaf drip Gym Gym yr awn ni arno. Trydydd flwyddyn a thair mlynedd gwych y buo hi. Bastad ail a chyntaf flwyddyn!

Ymwellhau

Braf ydyw gwella. Dw i'n gwella wedi'r penwythnos adra, ac yn teimlo'n well fy myd yn gyffredinol a dweud y gwir. Dal ambell i ffleman yn treiddio drwodd ond fela mai.
Aeth Lowri Llew a fi i Lidl ddoe. Mae Lidl yn wych o le, dw i'n ei charu'n bersonol achos mai'n rhad a dw i'm yn dallt dim byd sy 'di 'sgwennu ar y cartons. Oeddwn i wrth fy modd achos dyma'r tro cyntaf y defnyddiais rhyw declyn rhoddodd Nain i mi. Fatha keyring ydyw wedi'i siapio fel punt a medrwch chi ei ddefnyddio yn lle punt i trolis. Gwych. Fe benderfynem ni'n dau wneud cawl o rhyw math neithiwr. Roedd o'n neis iawn ond am y cig cnoillyd (a gymrodd lot o gnoi) sydd yn nodweddiadol o Lidl.

Ia wir felly y gwnaed hi. A mae'n hanfodol cael cenin mewn lobsgows tydi? Sy'n golygu bod pawb o Rhuthun yn rong. Ardal rhyfedd fuodd hwnnw erioed, ardal o wneud lobsgows gwallus, mi a dybiaf.

Fodd bynnag mi af i'n awr. Pethau i'w wneud, pobl i siarad efo (sgen i neb i siarad i dw i mor unig. Na dim i'w wneud a dweud y gwir. O anffrwythlon, ddieflig fywyd!). Ta ra!

Yr Axe and Cleaver - yr ailymweliad

http://hogynorachub.blog-city.com/yr_axe_and_cleaver.htm

Cofio'r uchod ar yr hen flog, rhywun? Ia wir, roeddem ni ar ein ffordd i lawr o'r gogledd a phenderfynem y byddem ni'n galw draw yr yr Axe and Cleaver y tu allan i Henffordd. Tro diwethaf, roedd ofn dirfawr arnom; myfi, Haydn, Lowri Dwd a ffrind Haydn, Jemma. Y tro hwn y ni'n tri ydoedd gyda Llinor o'r cyffiniau a dyma ni'n meddwl y byddem yn mynd am dro.

Mae'r lle dan reolaeth newydd. Dim mympwyon, dim Igor yn ei gwasanaethu OND roedd yr UNION hen bobl mud yn eistedd yn y gornel o hyd (cyn diflannu heb smic). Datblygiad mwyaf cyffrous y lle yw mai Elfyn Llwyd bellach sy'n berchennog, a'i bod yn hoffi gweiddi 'eureka-ka-ka!' wedi iddo lwyddo cael y peth talu 'fo cerdiau i weithio. A mae'r sosijys bellach wedi mynd off (ac yn rili afiach, ond roedd yr wy a'r chips yn neis).

Y peth mwyaf wiyrd am hyn oll yw yn hollol anymwybodol ein bod wedi mynd yn ol yno blwyddyn yn union namyn diwrnod i'r tro diwethaf! Mae'r lle dal yn ryfedd. Cadwch draw!

Taith Ceren drwy'r goedwigoedd hudolus ger Tonteg a'i sgwrs gyda Dyn Y Bont fel y'i chofnodwyd

“Hawddamor, Arianrhod,” dywedodd, “nis ddywedaf i chwi.”
“O,” atebais. “Synnaf ar eich haerllugrwydd. Paham y dywedwch y math beth a minnau heb fyth â chwrdd â chwi o’r blaen?”
Ysythodd ei ysgwyddau sythion yn fygythiol. “Chwi a ‘mofynnwch imi’r hyn gwestiwn?” poeroedd ataf, a’i ddannedd yn wynnach na hufen Dyfnaint, neu dannedd yr Iesu ei hun. “Chychwi a feddyliwch yr hawliech yr hawl hwn drosof i’m holi?”
“Nis fwriadais sarhad,” cychwynnais o’r diwedd / o'r diwedd cychwynnais, “a ni ddylech ei chymryd felly. Yn wir, chychwi a ddaethasoch ataf ac ymatal hawddamor heb eglurhad. Nid dim ond holi’r wyf paham yr ataliwyd yr hawddamor, er mwyn deall eich meddwl yn gywir.”
“Rydych yn haerllyg ac yn ifanc, Gwenllian, ond mi a egluraf.”
“Diolchwn.”
“Tawed, Emily," pwerys-orchmynnodd, wrth i'w drowsus ddisgyn i'r llawr. "Myfi a drigais gynnau dan y bont fan draw. Astudiais garlamdaith yr afon hyd y dorlannau, a fe’m hymgollwyd yn hyfrydwch y byd a’i manion bethau than y bont hwnnw fan draw y cyfeiriwyd ati’n y frawddeg gynt. Canrifoedd! Aethasant hwy fy heibio a nis sylweddolais ar newydd wedd y gwynt nac oerni’r tymhorau, a’m salad datws a basiodd y sell by date. Na, nis wnaf yr un camgymeriad drachefn. Hawddamor sydd imi yn angen, i tithau’n fraint. Nid fy lle i yw gosod braint.” Ysgwydodd ei ben yn brudd, gan sylweddoli bod ‘na chewing gum ar ei sawdl.
“O syr! Maddewch im!” crochlefais. “Nid oeddwn yn gwybod! O na chawn innau ddeall eich doethineb ac ymdrybaeddu yn haul eich tragwyddoldeb!”
Bu iddo farw’n y fan a’r lle. Dwynais ei salad datws a rhedeg i ffwrdd gan chwerthin. Yr oedd wedi bod yn ddiwrnod da.

06 Awst, 2005 unwaith yn rhagor

Iep, dw i adra'n Rachub a dydi'r cyfrifiadur dal heb fod eisiau gwneud dim math o frys nac ychwaith hyd yn oed ystyried y dyddiad.

Wrth gwrs, adra'n sal ydwyf i. Dydi hi ddim yn neis bod adra'n sal, ond mai'n well na coleg (llawer mwy o sympathi ar gael yn lle pawb yn dweud 'ti'n hollol iawn y bastad tew'. Llawer gwell cael Mam yn prynu eis lolis imi i wneud fy ngwddf i'n well! Hihi!). Er dydw i dal heb gysgu mwy na chwech awr ers bron i bythefnos. Ella fy mod i'n insomniac neu dydw i ddim yn gwneud digon o ymarfer corff. A dweud y gwir dw i'n gwneud dim, er mi goda i allan o 'ngwely pan goda'r awch. A blogio, sy'n waith caled ar y bysedd a'r meddwl.

Y glands sy 'di chwyddo dachi'n gweld. Gwneud llyncu'n boenus iawn a phoeri'n loes calon. Dw i ar gwrs o Penecillin sy'n gweithio i'r gwddw ond mae'n rhoi ffwc o gur pen imi. Felly mi es i'r gwely'n fuan neithiwr a gwylio rhyw gyfweliad gyda Meic Stevens ar S4C ac ar f'enaid gwelais i fy hun mewn deg ar hugain o flynyddoedd yn yfad ac efo gwallt hir ac yn meddwi ac yn gwisgo het cowboi a sbecdols haul (a hynny oll namyn y ddawn gerddorol). Dw i'm isho bod yn Meic Stevens. Dwisho bod yn Michael Douglas (efo gwraig ifanc hyfryd) neu Bill Gates (cyfoeth) neu efallai'r Pab (het cwl).

Reit ma'r 'stafall yn troi sy'n golygu dw i angan mwy o fediceshyn. Ys dywed y Ffrancwyr: la vache n'est pas heureuse.

Glands

Mae glands fi wedi chwyddo a fy ngwddw oedd yn sych, a nis fwytais dim solat ers nos Lun (oedd yn eitha handi gan fy mod yn ymprydio er mwyn cefnogi Gwenno Teifi!). Fodd bynnag, i'r Doctor yr es bora 'ma, rhywbeth dw i'n casau gwneud, a siarad gyda hi. Doedd ganddi hi fawr o fynadd efo fi a mi yrrodd mi ffwrdd ar gwrs o Penecillin. Mae ngwddw i'n well yn barod ond gennai ddiawl o gur pen a cravings am wyau 'di'w piclo.

Eniwe dw i'm am ysgrifennu mwy achos dw i yn sal a dw i'n mynd adra i Rachub yfory am 'chydig. Casau glands.

Y Corff Yn Diffygio

Dw i'm yn licio'r nos. Methu cysgu ia. Neithiwr mi es i gwely am hanner 'di hanner, a tro diwetha imi edrych ar y cloc cyn llwyddo cysgu roedd hi'n chwarter i chwech. A wedyn mi ddeffroais am naw. Sy'n golygu fy mod i wedi blino gymaint nad ydw i wedi mynd i'm darlithoedd heddiw. Sy'n feri sad.

Cyn nos Sul roeddwn i wedi bod yn yfed ac wedi mynd yn hamyrd tair noson mewn rhes, ac erbyn Dydd Sul bu bron imi lewygu'n cegin y genod roeddwn i wedi blino cyn gymaint. Gyda pawb arall o'm cwmpas yn eitha meddw erbyn diwedd y p'nawn mi es i adra a tiwnio fy nheledu yn fy llofft (mai 'di bod 'na ers mis Medi heb ei thiwnio).

Nos Sadwrn ychydig o blyr, heblaw dw i'n cofio ista wrth ddiawl o ddynas hyll yn Dempseys ac yn galw hi 'y bastad' (dim i'w hwyneb, wrth reswm, roedd hi'n fwy na fi). A mae Clwb hefyd yn blyr ond mi wnes i ddisgyn i gysgu ar un pwynt a dwyn botel o Newci Brown off bwrdd rhywun cyn chwydu. A dw i dal i deimlo'n sal a dw i angen newid fy nillad gwely ond maesho mynadd efo gwneud hynny. Beth bynnag dw i newydd dacluso'n 'stafall i ddoe a dydi hi'm digon cluttered. Dw i'n licio clytyr, poeraf yng ngwyneb trefn, mi giciaf din taclusrwydd (cyn rhedeg i ffwrdd yn sydyn sydyn).

Rwan mi dw i am gwylio fy nheledu newydd-diwnedig drwy'r dydd a darllen a phigo nhrwyn.

Cynulliad, Gibbons, Meddwi, Salwch. Yr iwsial, rili.

Ia helo fi yr Hogyn o Rachub sydd yma gyda mwy o straeon i'ch difyrru, diflasu a gwneud ichi chwydu. Heno mi gynlluniaf chwydu ar hyd waliau Clwb Ifor, ac ar y bownsar oren ei naws. Cont.

Gad imi feddwl am y dyddiau diwethaf 'ma. Dydd Mercher aeth 'na griw ohonom i'r Cynulliad am dro. Mae'n adeilad eithaf cwl mewn ffordd anniddorol hynod, a medrwch chi weld o'r galeri nad ydyn nhw'n gwneud dim ond edrych ar eu cyfeiriadau hotmail ar y cyfrifiaduron (go iawn rwan. Dw i'm yn un am gelwyddau, oni bai eu bod o fudd imi yn ariannol neu'n rywiol). Y boi Llafur Gibbons oedd yn gwneud hynny. Yn eironig mi sylweddolais ei fodo'n edrych fel gibbon, hefyd:

Eniwe i bethau llai pwysig a nos Iau. Dyma myfi, Gentleman Jason, gyda fy ffrind, Lady Ceren, yn ceisio mynd am beint i'r Hilton ond doeddan nhw cae agor y bar inni felly aethon ni i'r Goat Major yn lle wedi inni ganu We're In The Money wedi inni fod yn y twll yn wal yn Cathays a thynnu allan ugain punt yr un. Y diwrnod wedyn dioddefais y penmaenmawr gwaetha dw i erioed wedi ei chael.

Dim rhyfedd nad oeddwn i isho mynd allan nos Wener (penmaenmawr oedd fy esgus ond go wir roedd gwario noson allan gyda Dyfed yn digon i droi'n stumog). Aethon ni i'r Hard Rock Cafe a dyma rhyw ddynas y dwad fyny atom. Any of you single? gofynnodd. Fi a Haydn. Can you go and tell my friend that she's beautiful because she's been through a tough time splitting up with her boyfriend blah blah blah. 'Na,' meddaf i, 'ewch o 'ma. Rydych chwithau'n hyll hefyd ac yn oglau fel pwdin reis.' (Clwyddau a dweud y gwir. Er mwyn cael allan ohoni a gadael i Haydn neud prat o'i hun mi ddywedais i fy mod yn negatif ac yn hoyw. Dw i yn negatif, ond ddim yn hoyw. Heddiw, eniwe.)

Wel mi eshi gysgu yn O'Neills beth bynnag cyn mynd i lle'r genod a stwffio Jaffa Cakes i fyny trwyn Lowri Dwd a chael Lowri Llew yn pestro fi eisiau gwneud wy wedi'i ferwi imi. Oeddwn i'n iawn, wedi gwario f'olaf dima ar 6 chicken mcnugget oer o Macdonalds.

Ymrwbio yn y mawrion

Dw i am ymrwbio yn y mawrion. Dyna beth yw 'rub shoulders with the big guns' yn Saesneg, fe ddysgem yn y ddarlith ddoe. Bu bron imi biso chwerthin, yr anaeddfedaidd beth ydwyf, ar draws yr ystafell.

Heddiw dw i'n flinedig, ond wedi casglu ambell i gliw am nos Sadwrn doeddwn i'm yn cofio hyn yn hyn:

1. Mi gerddais ar hyd wal ar y ffordd o'r Mochyn Du, dim ond i ddisgyn i mewn i'r llwyn yr ochr draw. A brifodd.
2. Myfi ydyw Gentleman Jason, wedi'r sgwrs dros Cosmopolitan
3. Doedd y Gatekeeper ddim wedi llifogi. Yr heddlu oedd yno. Fi oedd yn meddwl ei bod wedi ei lifogi (heb dim reswm yn y byd, aparyntli). A meddyliodd pawb yr un peth wedyn.
4. Y Peth Mwyaf Cywilyddus Yn Y Byd: cael dy wrthod i mewn i CLWB IFOR am fod yn RHY CHWIL. Er y cefais fynd i mewn wedi imi fynd am goffi (peint).
5. Mi geshi gic allan o Clwb Ifor gan y boi oren (10% man 90% citrus fruit) sy'n fy nghasau heb reswm o gwbl a sydd wrth ei fodd yn rhoi cic owt imi. Cont.
6. Mi geshi ffishcec ar y ffordd adra

Dysg 1#

1. Peidied byth a rhoi eich cyfrinair i neb arall, neu mi a bostiant pethau drwg amdanat ar flog.

Diwedd y wers. I'ch diddori yn ei le dyma lun o Lowri Llewelyn a Ceren ar canal gyda hen ddyn sad, yn amlwg yn cael hwyl (sbiwch ar y dileit ar eu hwynebau!)

Pentrebane

Dw i'n sal. Hyngowfyr. Mae neithiwr yn blyr. Mi gollodd Cymru (dw i'n meddwl. Fyny i fi fywiogi'r ffacin Mochyn Du unwaith eto) yn ddrwg a theimlais yn ddrwg. Ond cofied, "Mae'r hen Saeson wedi methu torri calon hogia' Cymru", a dyna'n strategaeth am weddill y nos - anghofio'r gwaelgem a meddwi. Mi wnes yn eithaf hawdd, a dw i'n dioddef heddiw gyda chur pen a plaque.

Reit, gad imi sortio'r allweddau allan cyn mynd ymlaen (mae nhw dros y lle i'm llygaid ar y funud). Iawn. Wedi'r Mochyn Du oeddem ni am fynd i Callaghans. Cafodd Lowri Dwd a fi syniad gwych sef neindio ar y bws cynta welsom ni a mynd i rywle. A fe euthum ar fys 51 (ella) i Bentrebane. Oce, mewn difri wnaethon ni ddim cyrraedd Pentrebane, yn rhannol oherwydd does gan yr un ohonom ni syniad lle mae o. Oeddan ni'n pestro pawb ar y bys yn gofyn pa stop oedd y cynta gyda pyb wrth ei hochr a endio fyny'n y Fairwater (dim syniad lle mae o). Fe oeddem ni yno am sbelan go hir, 'fyd, wrth i amser fynd heibio. Dw i'n cofio'r ddynas dew uffernol tu ol i'r bar a un o'r genod yn siarad Cymraeg er na chawsom ni fawr o sgwrs. Wedyn oedd y tacsi tua £7 i ganol dre. Bastad.

Roedd y Gatekeeper wedi cau am ba reswm bynnag, a ni'n dau am gael botal o win. Ond i'r Shitty Arms aethon ni cyn mynd i y bar cocktails ddirgel o dan y Gatekeeper. Dw i'm yn cofio be gesh i ond oedd o'n lyfli. Wedyn Dempseys, meddwi mwy, Clwb Ifor, chwydu, adra'n fuan. Blegh. Iw, mae gwinadd fi'n sgym heddiw.

Neges destun y diwrnod: Wel dagish i ar goc dy nain ddoe. Mmm! Gobeithio gei di ddiwrnod shit! - Dyfed

Reit, mi geisiaf gofio'r diwrnod drwy lluniau. Dyma Haydn yn ei pose Gaydn. Mi ddwynodd fy nghamera wedi hynny a cherdded o'r Mochyn Du i'r Westgate gyda'i din i olwg pawb. Ick.

Mae'r tun bins yma'n mynd i fod yn amlwg iawn mewn ychydig. Cewch chi weld. Dydi Ceren a Lowri Llew ddim.

Llun anffodus ohonof ond sbiwch ar y cocktail. Dyna cefais i. A dw i'n cofio mai y Cosmopolitan oedd o. Lyfli. Ond y peth oedd oni'n gachu bants a felly'n mynd rownd yn cesio ymddwyn yn cosmopolitan ond yn edrych fel tramp farfiog efo Cosmopolitan. Blydi hel mae 'na joban cadw'r hylif yn y gwydrau 'na 'fyd.

Ia wir, Lowri Dwd ydyw. Ond nid y hi sy'n bwysig yma ond y cnau a'r ffaith ei bod yn dal ei hyn i fyny wrth y bar wrth i ryw lesbian ceisio ei syrfio. Roedd y cnau yn afiach (hi a'u prynasant - dydi hi ddim yn licio cnau a neb arall yn eu licio chwaith) ond y cocktail yn neis iawn. Pumpunt 'fyd. Bastad lle drud. Casau bastad lle drud.

Bydda hwn wedi gallu bod yn lun bach neis o Savage a Lowri Llew, debyg, oni bai bod Lowri Llew methu cymryd llun call a mai'n edrych fatha chipmunk.

Colli crib, colli urddas

Dw i mor bôrd. Dw i wedi cael diwrnod blinedig a mae'n llaw i'n brifo wedi imi geisio taro Kinch, dim ond i'm llaw daro'r ffrij. Dw i'm yn licio llaw 'fo briw.

Dechreuodd y diwrnod efo 'Cymraeg I Oedolion'. Sef fi. Sorted. 'Hanes yr Iaith' yn uffernol o ddiflas. Son am hanes geiriaduron a ballu. Ffwc ots gen i. Dio'm help fod fy narlithydd yn obsesd efo gramadeg oedd RHAID iddo ddod a fo mewn i ffycin 'Hanes yr Iaith' doedd? A wedyn Cynllunio Ieithyddol gyda Colin Williams. Mae'n edrych i fod yn ddiddorol ond mae gan Colin Williams lais rhy swynol: oeddwn i'n teimlo'n high am awr yn gwrando arno. (O.N. dw i ddim yn ffansio Colin Williams, sylwebu ar ei lais ydw i. Dallt?)

A p'nawn 'ma fe gefais i arholiad stiwpid efo Sgriptio a do'n i methu a sgwennu'n dda iawn efo fy llaw ffrijbrifiedig. Oeddwn i'n eitha meddw neithiwr, a dweud y gwir. Dw i'n f'ystafell yn gwrando ar Dafydd Iwan ac yn gwisgo fy nghap Rwsiaidd. Mae hyn oherwydd dw i newydd olchi fy ngwallt ac os na'i wisgaf mae fy ngwallt yn mynd yn wallgof i bob man. A dw i wedi colli fy nghrib. Sy'n stiwpid. Dw i'm wedi brwsio fy ngwallt ers oes pys rwan. Dim rhyfadd dw i mor minging.

Beth bynnag, dw i wedi blino. Mi ddeffrois yn fuan (am 9) a dw i'n teimlo fel crempog (yn gwisgo het Rwsiaidd ac yn gwrando ar Dafydd Iwan). Dim yn aml fyddai'n teimlo felly, chwaith.

Lobsgows, Lowri Dwd a babanod drewllyd

Ew, gennai lu o straeon i chi heddiw! Yn gyntaf dwisho brolio fy mod i wedi gwneud lobsgows o rhyw math hyfryd neithiwr a chytunasant bawb oll gyda mi. Ond, ar y cyfan, dyddiau annifyr y bu'r rhai diwethaf, yn enwedig wedi'r parti lle'r unig ddiddanwch imi'n bersonol oedd fy nain Eidaleg yn popio balwns a mynd yn gyffredinol wallgo (I 'ave to 'ave something to do, dywedodd) a chwerthin fel injan car sy cae dechrau.

Dechreuodd wrth i mi a Gwenan wneud ein ffordd i lawr o Gaer i Gaerdydd. Mae Amwythig, fel y tybiais, yn crap. Ond roedd y tren i Gaerdydd yn ORLAWN a roeddwn i'n sefyll yn y darn rhwng y carijys: wrth y toiled. A dyma rhyw foi a babi yn mynd mewn 'na a dod a allan a ffycin hel oedd 'na ddrewdod. Arclwy' oni'n teimlo'n sal. Dw i wedi dweud cant a mil o weithiau mae babanod yn sgym, ond roedd hwnnw'n afiach. Fo fydd y plentyn drewllyd yn y gornel 'sneb yn licio sy'n pigo'i drwyn ac yn bwyta clai. Ych a fi, cont iddo fo. Wedyn mi gefais bleser cwmni Huw Psych pan fu imi ffeindio lle i eistedd, wrth i ddyn dros y ffordd taro golygon milan arnom a'n hiaith estronol, anwar.

Heddiw mae'n ben-blwydd ar Lowri Dwd, Dwd mwyaf enwog Llanrwst a Thrwyn enwocaf y Gym Gym. Pen-blwydd hapus, Lowri ... byddwn i'n ddweud oni bai am yr ARTAITH mae hi wedi'n rhoi i drwodd heddiw! O. Mai. God. Tyrd efo fi i'r ddarlith cynta 'ma dw i efo, ella mond fi fydd yno a ella nei di newid i'r modiwl yma. Iawn, Lowri, f'anwylyd, i ti mi a wnaf.
Felly fe euthum i ddarlith I Fyd Y Faled (am deitl ponslyd!), cyn iddi Hi sylweddoli nad oedd Hi ychwaith wedi cofrestru i'r ddarlith, ac felly ddim angen bod yno ei hun. Mae'n un peth mynd a rhywun i ddarlith dydyn nhw ddim yn gwneud y modiwl, ond i fynd a rhywun i ddarlith does yr un ohonoch chi ynddo? W. Oni'n flin. Blin iawn. Yn enwedig o ystyried bod ein darlithydd (sy'n hynod annwyl a blewog) wedi gofyn imi o flaen pawb os oeddwn i'n canu baledau ar y carioci.

Do'n i'm yn rhyw hapus iawn yno achos oeddwn i'n drewi o genin a roddais i mewn i'r bwyd neithiwr drwy'r ddarlith. Felly gwell mi olchi 'nwylo.

Ieeeei! Chwech diwrnod o flogio a dw i'm yn gorfod gwneud dim mwy! Diolch i Dduw achos dw i'n rhedeg allan o straeon i'w hadrodd. Wir-yr.

Oni'n Morrison's Bangor heddiw; roedd Mam wedi gyrru fi yno er mwyn cael 'chydig mwy o fwyd i'r parti fawr heno. Wel, breaded mushrooms, beth bynnag. Oeddwn i'n teimlo fel nob yn mynd rownd Morrison's yn chwilio amdanynt, a ches i mo hyd iddyn nhw a roedd gen i ormod o ofn gofyn "Sgiws mi, lle mae'r breaded myshrwms?" a mynd i'r tiliau efo dau fag ohonynt. Dw i'm isho neb meddwl 'na vegan dwi na'm byd (dyna pam dw i am gael Mam i wneud bechdan wy a bacwn imi rwan).

So dyna ddiwedd fy wythnos wirion i. Mae'n straen enfawr meddwl am beth fedrwn i falu cachu am yma yn ddyddiol so mi ga'i egwyl bach haeddianol rwan gobeithio (= welai chi 'fory).

Mi a gefais i caniau Fosters yn ty ben fy hun neithiwr yn gwylio The Two Towers fel lonar yn y sdydi. Felly yfaf i ddim heno achos dw i'n gyrru a rhyw gachu fel 'na. Fy mharti sobor gyntaf erioed. Mae nhw ddigon drwg fel arfer ond yn SOBOR! Erchylldra bydded. Mae'n argoelus ac yn fy mrawychu. A dw i rili, rili, rili isho meddwi'n gachu.

Problemau Seicolegol

Dw i wedi ffwndro'n uffernol heddiw. Dw i jyst ddim yn gwybod be ddiawl dwi'n gwneud. Dw i wedi bod yn ista o flaen teledu drwy'r p'nawn yn gwylio hen fideos 'dan ni wedi recordio: pethau fel Ewoks a Henry's Cat. A mae nhw 'di mlino o yn fwy na dim, a mae 'mhen i'n crafu.

Pan fydda i'n bord dw i yn gwneud rhywbeth eitha wiyrd. Rhyw fath o condition ydi o dw i'n sicr achos dydi o'm yn normal, a dim ond un person arall dw i'n eu hadnabod sy'n (cyfadda) gwneud yr un peth a fi. Mae'n un peth siarad gyda ti dy hun, ond dw i'n siarad efo pobl sy ddim yna. Ia, fydda i'n smalio bod rhywun yno (bob amser rhywun dw i'n eu hadnabod, a dw i'n eu dewis ar sail be dw i'n fwydro am) a'n siarad iddyn nhw. Dw i 'di gneud hynny erioed. Oes 'na air ar ei chyfer (heblaw am wiyrd)? Fydda i'n ei wneud pan dw i 'di diflasu. A dw i wedi'n uffernol. Dw i'm wedi meddwi ers Ddydd Gwener ddiwethaf ac angen gwneud. A maen nerfau i'n racs heb sigarets, wrth gwrs.

Wel, yfory mae parti'r chwaer a wedi hynny mi ga'i ddychwelyd. Ond ga i'm meddwi achos fydd gennai ffycin darlithoedd. Dw i'n casau ehangu fy ngwybodaeth; dw i'n hapus efo be dw i'n gwybod yn barod. Dim byd yn benodol, ond y math o wybodaeth sy'n ennil punt ar y periannau cwis yn y pyb. Digon da, tydi?

Heno bydd pawb yng Nghaerdydd yn meddwi. Ffycars. Dw i am wylio teledu ac yfed Irn Bru. Dw i onast tw God yn tempted mynd a phrynu cwrw o Londis jyst er mwyn cael lysh o rhyw fath. Dw i'n mygu mewn sobrwydd. Mae'n brifo'r meddwl a'r galon (mae'r iau yn eitha hapus de, ond ffwcia fo).

Queen

Dw i'n dal at fy addewid o flogio beunyddiol drwy'r wythnos. A dw i dal i gasau'r sock mynci (bastad!!!). Ond dw i'n teimlo'n well heddiw, a dw i wedi bwcio tocyn tren at Ddydd Sul o Gaer i Gaerdydd. Mae 'na stop am awr yn yr Amwythig, sydd probabli y lle gwaethaf yn y byd i stopio am awr dw i'n dyfalu. Y llefydd gwaethaf dw i wedi gorfod stopio am amser sylweddol ydi Crewe a Bryste. Fues i'n Bryste am awr bryd hynny ar fy ffordd o Fangor i Reading. Eshi off yn Birmingham bai mistec de, a fues i hanner ffordd rownd yr ynys cyn cyrraedd y benodedig fan.

Ia, wedi'i fwcio felly. Mae gorsaf drenau Bangor yn lle rhyfedd ac annifyr: mae'n drewi o rech (YDI MAE O) a mae 'na boi sy'n edrych ac yn siarad fel fel Roy Cropper o Coronation Street yn gweithio yno (YDI MAE O). Tybed a oes cysylltiad?

O realiti, ac mae'r cyfnod hwn o freuddwydion gwirion yn dal i fynd yn ei flaen. Geshi freuddwyd fy mod i (ynghyd a Dyfed a Haydn am rhyw reswm) yn rhan o gast Queen: The Musical, a oedd yn cael ei gyfarwyddo gan Simon Cowell (a ddywedodd fy mod i'n ddawnsiwr o fri: dw i yn, yn mynd 'tha DI ar speed yn Clwb nos Sadwrn, weda i 'tho ti!). Dw i'm yn cofio llawer mwy ond fy mod i wedi gwisgo fyny fel boi o Clockwork Orange a'm jaced i'n rhy dynn amdanaf.

Ond fe wyddwn i o le y tardda'r freuddwyd hwn. Oeddwn i'n ty ddoe yn stwnshian ac yn canu i fi'n hun cyn dod ar draws rhaglen Queen: The Musical yn y cyntedd. A mae Haydn wastad yn son am y blwmin peth. A dwisho mynd i'w weld - yr unig sioe gerdd yn hanes y ddynolryw sydd gennai ronyn o chwant eisiau ei gweld. Gas gennai sioeau cerdd: mae'i wreiddiau o'r adeg y bum yn ddisgybl yng Nglanaethwy am flwyddyn. Ond aeth Cefin yn flin gyda fi unwaith a pwdais a cwitio (wel, rhywbeth fel 'na).

Mi awn i rwan a gwastraffu gweddill fy niwrnod yn mynd i rhoi petrol yn car a yfed paneidiau diddiwedd. A smalio mai Freddie Mercury ydwi, a mynd rownd y lle yn canu 'I Want To Break Free' efo un o sgertiau'r chwaer.

Dal yn 5ed o Awst

Ffycin cyfrifiadur sdiwpid.

Ella neith llun o fwnci godi'n hwyliau:




Wel dydi o ffycin ddim dw i'n tepio mewn 'monkey in a suit' er mwyn meddwl ho ho doniol bydded hynny a dw i'n cael 'sock monkey'. BE FFWC YDI SOCK MONKEY?

Dw i'n blino'n hun rwan. A mae trenau Dydd Sul i Gaer o Fangor yn cansyld, dw i'n gorfod cyrraedd Gaer rhywsut yn gyntaf. A mae 'na stop yn Amwythig a fyddai'm yno tan yr hwyrnos.

Casau trenau. Casau sock mynci. Grrr!

5ed Awst, 2005

Dyna di'r dyddiad yn ôl y darn o grap o gyfrifiadur 'ma. Dw i'n parhau gyda'r ymdrech i ygrifennu blog y diwrnod tan Ddydd Sadwrn, lle cawn fy olaf gwyn yr wythnos hwn, ond mai'n eithaf anodd dod i fyny efo rhywbeth gwerth ei ddarllen os nad ydych chi'n gwneud dim. Afraid dweud nad oes gennai fawr o werth i'r ddweud beth bynnag.

Gorfod pigo Nain fyny wedyn. Mae Nain wastad yn gofyn sut mae pawb yng Nghaerdydd. Iawn fydda i'n dweud o hyd, er criw eithaf sal a llipa ydynt ar y cyfan. Ond dydi Nain byth yn cofio'u henwau, mae ganddi ei ffordd arbenning o gofio pob un...

• Haydn - 'mab y canwr' (mae'n wyr i Trebor Edwards)
• Kinch - 'Finch/Binch/Lynch/Sinch o Fodorgan' (unrhyw beth felly nad yw'n dechrau efo 'K'. Mae'n dod o Fodedern, nid Bodorgan)
• Rhys - 'yr hogyn bach o Langefni'
• Dyfed - 'yr hogyn bach arall o Sir Fôn'
• Mike - 'yr hogyn main'
• Owain - 'yr hogyn main efo sbecdols'
• Lowri Dwd - 'Lowri'
• Lowri Llew- 'Lowri arall efo'i nain ym Menllech, o Dalybont' (mae Lowri o Bontypridd)

Yno gorffenid unrhyw wybodaeth sydd ganddi am unrhyw un yn coleg dw i'n meddwl. Heblaw amdanaf i. Dydi Nain ddim cweit yn dallt sut mae o gymhwyster ydi'r Gymraeg, chwaith. Fel y dywedodd hi'r diwrnod o'r blaen:

Nain: Beth wyt ti am wneud ar ôl coleg?

Myfi: Dw i'm yn gwybod, Nain.

Nain: Beth am fod yn ddeintydd?

Myfi: Fedra i ddim, Nain, dw i'n neud Cymraeg.

Nain: Ia, wn i, ond mae nhw angen dentists Cymraeg, sti!

Er cyn arafed y cyfrifiadur

Mae gennai deimlad fy mod i am flogio pob dydd wythnos yma. Ydi, mae'r cyfrifiadur yn Rachub yn araf a mwy na thebyg wedi ei llunio ar gyfer yr henoed a phobl araf yn gyffredinol, ond dw i dal am flogio ACHOS 'SGEN I'M BYD I'W WNEUD. Mae pawb, PAWB yn y byd wedi mynd i'w prifysgolion a mae'n unig yma, a dw i ddim rili isho mynd beint efo Dad, chwaith.

Dw i'n gorfod gyrru Nain i bob man achos does ganddi ddim leisians gyrru ar y funud, sy'n iawn heblaw am y ffaith ei bod hi'n neindio o amgylch y car os mae 'na rwbath tua 50 llath o'm mlaen yn stopio neu bod y gwynt yn gryf. A mae'r hen diar yn mwydro. Cefais i wybod holl gynnwys Beti a'i Phobl diwrnod o'r blaen am 'yr hogyn yma o Lanrwst nath hapnio mynd i jel ac oedd o ar drygs a ballu'. Anodd iawn ydi ceisio gyrru a gwrando ar Nain yn siarad. Mae'n gallu bod yn anodd gwrando ar f'annwyl Nain o gwbl weithiau. Oedd hi'n mynd drwy fy ngheiriadur gynnar ac yn pwyntio allan mai Chwefror ydi February.

Mae'r egni ynof yn wan ar y funud. Afraid dweud dw i'n difaru dod adra mor fuan cyn pen-blwydd fy chwaer (a fel y gwyddoch dw i'm yn edrych ymlaen i hwnnw chwaith). A dwi jyst newydd bod ar y ffon efo Gwenan am trenau Ddydd Sul a dywedodd hi "wn i ddim dweud y gwir achos nath rhyw Paki atab y ffon a geshi'm sens allan ohono fo" felly dydw i ddim callach pryd yn union dw i'n dychwelyd.

Bywyd? Overrated.

Breuddwydio am Meic Stevens

Yn ddiweddar dw i wedi bod yn breuddwydio lot, ond llawer mwy na'r arfer. Neithiwr mi gefais gyfres o thair breuddwyd sy'n glir yn fy meddwl hyd yn hyn felly mi 'sgwennaf i amdanynt yn y gobaith y bydd rhywun ohonoch yn medru eu dadansoddi imi...

1. Roeddwn i wedi mynd a dechrau fy nghwrs TT yng Nghaerdydd, ac am rhyw reswm un o'm athrawon Technoleg o ysgol oedd yn gyfrifol amdani. Doeddwn i heb gael llythyr i ddweud fod yn rhain imi dalu £171 i fynd i Gastell Caerdydd am drip, ac oeddwn i'n gytud felly dyma fi'n mynd yno fy hun (roedd Ellen yn flin gyda mi achos roeddwn i wedi anghofio fy mhres cinio). Wel, dyma fi'n cyrraedd a phwy oedd yno i'm gwadd ond Ceren a Lowri Dwd, a dyma Ceren yn trio cal fi a Lowri Dwd i fynd efo'n gilydd ond penderfynem ni wisgo fyny yn lle.
2. Hwn oedd y freuddwyd gwirion. Roeddwn i wedi mynd i gartref Meic Stevens. Roedd o fel un o'r tai Redneck 'na ydach chi'n gweld ar y teledu, efo cadair siglo tu allan a ballu. Roedd y lle yn tip afiach, a dyma Meic yn fy ngadael a mynd i ffwrdd felly dyma fi'n cael sgowt a ffeindio tenar. Trodd Hwntw o ddynes barchus i fyny at y drws a dyma hi'n egluro mai hi oedd cyn-wraig Meic a'i bod wedi ei ffonio i edrych ar fy ôl. Ond dyma Meic yn cyrraedd hefyd ar y tram (!) ac yn dod i'r tŷ a chael brechdan wrth ffraeo efo'r cyn-wraig.
3. Yn olaf, dyma fi ym Methesda, ond mae'r lle wedi newid rhywfaint yn y freuddwyd achos roedd Y Bwl yn enfawr ac yn rhyfedd felly dyma fi'n mynd i siop souveniers (sydd lle mae'r King's Head) a edrych rownd. Roedd 'na oriadau arbennig wedi eu crefftio gan 'Gwynfor Owen, Coetmor' (dim syniad). Dyma fi'n prynu papur y Daily Star fodd bynnag a'i darllen, dim ond i ffeindio bod band o hoywon o Florida wedi cyrraedd brig y siartiau gyda'u 'controversial lyrics'.

Adra ac yn bord

Iawn dyma fi adra'n Rachub unwaith yn rhagor, a dw i'm am wneud dim am wythnos. Dw i'n methu Clwb Ifor heno a dw i'n eitha ypset achos mae gen i flys am alcohol. Ond dydw i ddim am yfed am wythnos eithr wyf am fyw bywyd iachus iawn am y diwrnodau nesaf.

Roedd y daith i fyny'n flinedig iawn, mwy na'r arfer achos fe roedd hi'n ddwl, ond fuodd hi'n braf galw draw yn Llanllyfni a gweld Morfudd wedi mynd yn dew yn disgwyl babi (wrth wylio Uned 5 a darllen englynion Llywarch Hen).

Yma i ben-blwydd fy chwaer ydw i. Mae hi'n dathlu yn Rhyl mewn wythnos. RHYL! Wel tydw i'n ffycin edrych ymlaen am nait owt yn Rhyl! Mae hi 'di bwcio gwesty a ballu efo rhywun arall am ben-blwydd ar y cyd a mi fydda i yno'n sobor yn gorfod gyrru Nain adra. Mae nhw'n mynd i glwb nos wedyn. You going to come out clubbing with us? gofynnodd y chwaer. "Nacydwyf," dywedais, "dw i ddim isho mynd i unrhyw glwb yn sobor, dw i'm isho mynd i Rhyl a dw i'n bendant ddim isho mynd o amgylch unrhyw le efo rhyw ddilincwants meddw a sgalis arfodir gogledd Cymru." Neu rhywbeth tebyg.

Felly dyma fi adra heb ddim i'w wneud. Yn union fel Caerdydd ers ychydig achos mae bron pawb arall yn gwneud gwaith. Ond mi a fethaf heno; Haydn yn cysgu, Dyfed yn dawnsio ac yn gweiddi 'rym!', Lowri Dwd yn ffeindio boi hen i fachu, Llinos yn disgyn (ar ol bachu), Lowri Bach yn bod yn gawslyd (wrth fachu), a minnau jyst ym mudreddi Clwb.

O! Mor unig myfyrwir oddi-wrth brifysgol!

Cyn Arholiad

Dyma chi flas ar fy myd cyn arholiad. Mae hi'n hanner awr wedi unarddeg, a mae fy arholiad i am un. Dydw i heb ddechrau adolygu, ac afraid dweud ei bod braidd yn rhy hwyr dechrau. A dweud y gwir bu ond imi ddeffro am unarddeg achos dw i wedi blino'n ddiweddar. Pwysau arholiadau yn drwm arnaf; mor ddrwm fel fy mod i heb adolygu iot, gorffen off y Budweiser a slobian o gwmpas am wythnos gyfan.

Ydwyf, dw i'n rhy laid back. Dyna fy mhrif broblem (mae Rhys yn flin fy mod i'n ormodol felly). Ond dw i'n fwy consyrd efo bwcio Prâg a phwdu oherwydd does neb arall yn y tŷ i siarad gyda ar y funud ... mae pawb yn adolygu neu'n gwneud traethodau neu waith o rhyw lun neu modd yn fy ngadael i o flaen y teledu yn synfyfyrio sut ddiawl mae Cai Pobol Y Cwm wedi endio fyny ar hysbysebion Extra.

Reit gwell i mi fynd a pharatoi. Mi fyta i afal rwan - mae afal yn well na cwpan o goffi i'ch deffro, ac yn addasach imi oherwydd mae'n iachach (a dw i ddim) a dw i'm yn hoffi coffi beth bynnag.
Ffyc, chwarter i ddeuddeg. Gwell mi neud mŵf.

Trefnu pethau ac arholiadau blah blah blah

Ac eithrio'r Blaid Lafur, Grolsch a phobl eraill, mae 'na ddau beth dw i'n eu casau yn y byd hwn: arholiadau a threfnu pethau. Gadewch imi ymhelaethu.

Trefnu. Fy ngwendid marwol ydyw. Clywed y dywediad couldn't organize a piss-up in a brewery? Mae hynny'n hollol weddus imi heblaw am y ffaith na fyddwn i'n medru cael hyd i fragdy yn y lle cyntaf, na neb i fynd yno, chwaith.

Felly sut ddiawl dw i am drefnu trip i Brâg? Oeddwn i fod wedi eisiau gwneud erbyn Ddydd Sadwrn ond aeth y pris i fyny. Wedyn dyma prisiau llefydd eraill ym Mryste a Chaerdydd yn mynd lawr, a wedyn mae nhw fyny eto heddiw a wedyn dydi pawb ddim yn fodlon ymrwymo'n hollol i'r daith. A pheidiwch a'm dechrau i ar hostel. Unwaith dw i wedi trefnu awyren dw i'n mynd adra am saib ynghanol y mynyddoedd a'r defaid. Dw i'n rhagweld yn iawn beth sydd am ddigwydd: mi wna i ffys mowr a endio fyny'n gwneud dim a gwario mis Ebrill yn Gerlan hytrach na Phrâg. Mae i'n criw ni dueddiad gwirion erioed o ddweud pethau mawr a gwneud pethau bach.

Arholiadau wedyn. WEL doeddwn i'm yn gwybod pa un oedd gen i tan neithiwr oeddwn i wedi drysu cyn gymaint! (Drysu = peidio boddran tsiecio be sy phryd). Pawb arall yn y lle efo rhyw geiriaduron mawr a'r math. Beiro oedd gen i. Eshi allan yn fuan 'fyd, yn teimlo'n iawn a gyrru adra gan bloeddio ganu i'm hun. A rwan mae ngwddf i'n stiff achos oedd 'na ddrafft eitha creulon yno, a minnau mewn top Maes E. Ha!

Dim ots dweud y gwir, achos Duw a wyr yn unig lle orffena i fyny. Ond mi fetia i fydd o'm yn blydi Prâg.

SOBRWYDD

Am benwythnos ryfedd. Eshi'm allan nos Sadwrn. Ond mi a ges i ddiwrnod eithaf da ar y cyfan, yn eistedd yn y Tavistock am y rhan helaethaf o'r dydd a bwyta pizza yno. A wedyn gwylio Donnie Darko, sef ffilm hollol sdiwpid nad oeddwn i'n ei ddallt o gwbl (does neb yn ei ddallt). A wedyn gwneud fy nhric arferol o mynd i gwely a methu cysgu am tua tair awr er fy mod wedi blino'n arw.

Aethon ni allan nos Wener de a roedd pawb yn hollol hamyrd. Bai rhyw gwrw dydw i methu'n glir a'i dweud ydi o o Copa - Wofflhoffl dw i'n ei alw. Roedd y boi ochr draw i'r bar yn dallt, fodd bynnag. Mae'n sdwff beryg a achosodd benmaenmawr eithafol bore Sadwrn. Dw i'n teimlo'n sal yn meddwl amdani a dweud y gwir.

Roedd 'na lot o Ffrancwyr o amgylch y lle 'fyd, gyda Perpignan wedi dod i Gaerdydd. Fydda i'n hoffi siarad Ffrangeg pan ydwyf yn feddw: mi astudiais i Ffrangeg yn Lefel A a phrin y cawn i gyfle i'w ynganu bellach, felly mi es o amgylch y lle yn dweud "Je suis desole, mais je ne suis pas fluent en francais" (mae'n ddrwg gennyf ond dw i ddim yn rhugl yn Ffrangeg). A brofodd yn ddatganiad cywir iawn y noson hwnnw gan nad oeddwn i'n gallu gwneud allan beth oedd bron neb yn dweud, a hwythau dim ond yn syllu'n rhyfedd arnaf i pan oeddwn i'n siarad gyda nhw.

A rwan dw i wedi blino. Dylwn i rhoi ychydig o ddwr i'r planhigyn yn f'ystafell achos mae o braidd yn grebachlyd a brown erbyn hyn a dw innau'n teimlo union 'run peth!

Yr Wythnos Gyda Hogyn o Rachub

"Y ll'godan fawr a'r cangarŵ, i mewn i'r arch â nhw" - Dyfed Williams, Gwalchmai, heb golur

Hawddamor niferus gyfeillion! Da ydyw blog er mwyn cael rhoi lluniau annifyr i bobl i gynulleidfa lled-eang, yn de? Fodd bynnag, dw i wedi cael wythnos gynhyrchiol a dw i eisiau ei rannu gyda chi. Chi, wedi'r cyfan, yw sail fy modolaeth.

Cafwyd hwyl mawr yn Theiseger Street (drewllydle) gan gloi Llinos allan a thaflu dŵr drosti, a wedyn cloi Haydn allan a thaflu dŵr drosto fo (a dueddodd i anweddu cyn ei gyrraedd achos oedd o'n boeth o flin. Haydn = Blin. Haydn Blin). Roedd Llinos yn crio achos 1. doedd ganddi'm slipar a 2. mae hi'n fabi. Mi bwdodd a mynd i fyta quiche salad.

Aeth Lowri Dwd (cowabunga!) a minnau fynd i'r undeb i ddechrau trefnu trip i Brâg ym mis Ebrill. Fi sy'n ei threfnu ond oeddwn eisiau dylanwad call gyda mi. Nis ffeindiais hynny felly dyna pam yr euthum gyda Lowri Dwd. Eniwe, tyrnowt da i weld, edrych ymlaen yn arw! Mae peint am 20c yn swnio'n lithal. Y peth ydi fel y gwyddoch, efallai, mae gennai dueddiad o ddiflannu ynghanol sesh a deffro fyny'n rhywle rhyfedd unwaith y flwyddyn, a myn uffarn dw i'n gobeithio nad âf i Brâg a deffro'n Warsaw. Mi baciai'n Polish For Beginners jyst rhag ofn.

So dw i wedi cael wythnos gynhyrchiol tu hwnt yn raddol yfed fy hun i'r bedd, trefnu gwneud hynny mewn gwlad arall a thollti hylif dros jinjyrs a josgins o ardal Rhuthun. Braf bydd dechrau darlithoedd hefyd yn o fuan, fel na fyddai'n gallu dod ar-lein fel hyn am un y bora a 'sgwennu blogiau diwerth! Sdawch! xxxxxx

Wythnos O Wneud Dim

Aaaaaah. Dim traethawd. Dyna 'di teimlad gorau'r byd! Mae gennai arholiad Ddydd Llun nesaf felly mi fedraf i gael wythnos o wneud diawl o ddim (adolygu? Ha! Lwcus bod darlithwyr Cymraeg yn greaduriaid rhy parchus i gael gwefan fel hwn ar eu Ffefrynnau!). Na, mi ddois mewn wedi rhoi'r sglyf beth i mewn yn y glaw a chael cawod (gan ddefnyddio'r hairdryer 'na ges i dros 'Dolig) a ceisio gwneud fy hun yn ddel ac ati. Bu bron iddi weithio, ond mae gen i ddolur annwyd unwaith eto wedi nos Sadwrn.

Dw i'm yn un sy'n hoff o law. Na haul. Dw i'n licio hi'n eitha dwl ar y cyfan ond yn glos 'fyd, mai'n ddiwrnod da am banad a bechdan yn y cynhesrwydd, os ydach chi'n deall be 'sgen i. Gwell imi rhoi rhywfaint o ddwr i'r planhigyn 'ma sy'n f'ystafell hefyd, achos dydi hi'm 'di cael diod ers cyn 'Dolig (mai dal yn fyw chwara teg) a dw i'm yn meddwl ei bod hi wedi gweld hwyneb yr haul erioed (Kinch yw ei henw hi, gyda llaw, ond dydi'r Kinch yma ddim yn streitnio'i gwallt. Yn rhannol oherwydd mai planhigyn yw hi, yn de).

Traethawd

Nid un i wneud gwaith mohonof os ydi hi'n haws peidio. Ond mae gen i ddawn efo traethodau. Anaml iawn y gwnaf i draethawd mwy na diwrnod cyn iddi fod i gael ei rhoi mewn (dw i newydd cymryd tri go i ddweud y frawddeg yna achos mae'n stafell i mor oer dw i methu pwyso'r allweddau'n hawdd o gwbl!). Mi fydda i'n eistedd lawr a gwneud traethawd 2,000 o eiriau mewn ambell i awr. Dw i wedi bod yn gweithio ar hwn ers un a o fewn llai na thair awr mae 1,500 wedi'i wneud. Malu cachu 'fyd - dw i'm wedi defnyddio unrhyw lyfryddiaeth na dim, yn bennaf oherwydd does gennai'm llyfrau amdano a mae'r llyfrgell yn bell i ffwrdd i'r gogledd (wel, yn Cathays). Felly dw i'n cael saib fechan a botal fach neis o gwrw haeddiannol.

Cwrw. Mmm. Mi brynais i baced o 24 botal o Bud yn ASDA echddoe am denar. Ond mae nhw'n rhai bychain, gwaetha'r modd, sy'n golygu nad oes taw wedi bod ar bawb yn fy herian eu bod nhw'n dechrau gwneud rhai hobbit-sized. Felly mi dw i'n hobbit bach blin iawn ar hyn o bryd.

Jeniwe gwell mi fynd ati rwan i ffeindio 500 gair arall y medrwn i roi yn y traethawd 'ma. Wedyn mi ga'i orffen weddill y cwrw, cysgu a mynd i'r Adran Gymraeg 'fory efo penmaenmawr a'i rhoi'n y blwch traethodau, cyn chwydu ar y ffordd allan. Ieeeeeeei!

Rachub > Caerdydd

Ydw dw i'n f'ôl yn y brifddinas, wedi taith hir o'r gogledd i'r de efo Lowri Dwd (dyna ydi taith hir! - na, chwarae teg cefais cwmni da a byrgyr afiach). Mae'n neis cael y rhyddid i wneud be dw i isho eto - rhegi, yfad fy hun yn bost, gwisgo stockings (cyfuniad hwylus iawn) a.y.y.b. A mynd i Curry Club yn Ernest Willows unwaith yn rhagor am gyri lled-dda.

Helo Mawr i Mam Lowri 'Llygoden' Llewelyn, hefyd, sydd wedi bod yn darllen fy mlogiau hen a newydd dros y Rhagfyr (bywyd yn araf ym Mhontypridd, debyg). Mawr obeithiaf na fyddwch chi'n cael eich styrbio gormod gan y straeon difyr am eich merch fydd yn troi fyny nawr ac yn y man ...

Del, de?

I newyddion eraill, dw i YN ceisio gweithio allan sut mae newid lliwiau a ballu ar y blog. Anodd ydyw i mi. Oooooo mae o MOR neis medru mynd ar-lein heb ddisgwyl hanner awr i fynychu 'Materion Cymru' Maes E, tri-chwarter awr i wneud blog a chael dim fath o lwyddiant o gwbl yn agor e-bostiau (dydw i ddim yn derbyn lot o e-bostiau ond gan iVillage a jobseekers; does gen i ddim syniad beth ydi iVillage a dw i'm yn licio'r sownd o'r un arall).

Jeniwe, mae gennai draethodau ac arholiadau yn cropian fyny, felly disgwyliwch blogiad yn o fuan yn cwyno ac achwyn heb owns o boeni achos dw i wedi cael cynnig amodol o UWIC i wneud hyfforddiant fel athro eniwe so sodia gweddill y flwyddyn! Ha! Dw i am ddifetha'r nesaf genhedlaeth!

(Ffyc dw i 'di llwyddo newid y lliwiau ond mae'r proffeil dal yn Susnaeg. Unrhyw help yn cael ei werthfawrogi i'r uchel nefoedd!)

Dw i'm isho mynd i Langefni

Dw i'm yn licio 2006; mai'n oer a 'sdim byd da ar y teledu. Yfory dw i'n gorfod mynd a'r car am MOT i Langefni a dw i'n sdyc yno am dair awr. Be ffwc dw i fod i wneud yn Llangefni am dair awr ('blaw snortio rwbath rownd cefn Kwiks a gwerthu ffags i blant ysgol feithrin ym Mhencraig)? Yr unig gysur fydd gennai ydi na fyddwn i yng Nghaergybi; a dydi hynny fawr o gysur.

Os oes gan rhywun unrhyw wybodaeth ar adlonaint ddi-ri Llangefni, rhowch wybod imi (awgrymiadau cyn belled a Rhostrehwfa yn dderbyniol)